Bassala Sambu: “Qələbəyə layiq idik”

“Qələbəyə və 3 xala layiq idik. Topa sahib olan, hücum edən tərəf biz idik”.

Futbolxeber.az saytının məlumatına görə, bu sözləri “Neftçi”nin futbolçusu Bassala Sambu Azərbaycan Premyer Liqasının 26-cı turunda “Turan Tovuz”a qarşı keçirilən görüşdən (1:1) sonra deyib.

Komandasının yeganə qolunun müəllifi olan ingiltərəli forvard “Neftçi TV”yə açıqlamasında rəqibdən daha üstün oynadıqlarını vurğulayıb:

“Rəqibə irəli çıxmağa imkan vermirdik. Üstünlük qurmağa çalışdıq. Sevinirəm ki, qol vurdum, amma bir tərəfdən üzülürəm ki, sonda diqqətsizlikdən qol buraxdıq. Rəqib 11 futbolçu ilə oynasaydı da, qarşılarını ala biləcəkdik. Sonda üç xalı qazana bilmədiyimiz üçün məyusuq”.