“Araz-Naxçıvan” məşqləri bərpa etdi: “Belə bir planımız yoxdur”

3 günlük istirahətin ardından “Araz-Naxçıvan” dünən məşqləri bərpa edib.

Futbolxeber.az saytına bu barədə Naxçıvan klubunun baş məşqçisi Elmar Baxşıyev məlumat verib.

Mütəxəssis qeyd edib ki, milli komandaların oyunları ilə əlaqədər Premyer Liqada yaranmış fasilə zamanı yoxlama oyunu keçirməyəcəklər: “Belə bir planımız yoxdur”.

E.Baxşıyev zədəli futbolçuların son durumu ilə bağlı qeyd edib ki, onlar artıq fərdi məşqləri bərpa ediblər və qarşıdakı günlərdə komanda ilə birgə hazırlığa qatılacaqlar.