Elvin Məmmədov: "Oyunumuzda inkişaf var"

“Kubok bizim üçün təcrübə idi. Uşaqlara təşəkkürümüzü bildiririk. Son matçlarda oyunumuzda inkişaf var. İntizamlı oynayırıq. Bu da bizi sevindirir. Qarşıda çempionat oyunumuz var. Ona hazırlaşırıq”.

Futbolxeber.az saytının məlumatına görə, bu sözləri “Səbail”in məşqçisi Elvin Məmmədov Azərbaycan Kubokunun 1/4 final mərhələsinin cavab oyununda “Qarabağ”a 1:3 hesabı ilə uduzduqları oyundan sonra deyib.  

O, Premyer Liqanın növbəti turunda “Şamaxı”ya qarşı keçiriləcək matçı finala bərabər adlandırıb: “Məqsədimiz Premyer Liqada qalmaqdır. "Şamaxı" ilə matç bizim üçün 6 xallıq final oyunudur. "Səbail" ailəsi olaraq bunun fərqindəyik. Xallar yığaraq liqada qalmaq istəyirik”.