30 Avqust 2025, Şənbə
Sergen Yalçın yenidən “Beşiktaş”da
Kurban Berdıyevdən qələbə şərhi
İliç: "Qələbə seriyamız bitsə də..."
Santuş millinin heyətini açıqladı

Ölkə futbolu

Vaqif Cavadov: “İndi limiti yox, kuboku və Premyer Liqanı düşünürük”

"Sumqayıt"ın baş məşqçisi Vaqif Cavadov Azərbaycan Kubokunun 1/4 finalının ilk oyununda "Sabah"la 0:0 hesablı heç-heçə etdikləri oyun haqda danışıb.

Futbolxeber.az saytının məlumatına görə, o, matçdan sonra keçirilən mətbuat konfransında bildirib ki, hər iki tərəf dinamik futbol oynadı: “İki komanda da qalib gəlmək istəyirdi. "Sabah"ın da, bizim də şanslarımız var idi. Qol vura bilmədik, lakin qapımızı toxunulmaz saxlamağı bacardıq. Hər şey cavab oyununa qaldı. Komandama təşəkkürümü bildirirəm. Yaxşı oyun nümayiş etdirdilər. Növbəti oyuna hazırlaşacağıq”.

Cavadov Premyer Liqada komanda sayının artırılması və legioner limitinin ləğv olunması ilə bağlı sualı belə cavablandırıb: “Bu barədə indi rəy bildirmək tezdir. Strategiyanı hazırlayanlar bəlkə də bizdən, məndən də savadlıdırlar. Bunun nəticələrini növbəti mövsümdə görəcəyik. Milli komandalara necə təsir etdiyini də hiss edəcəyik. Tək əsas milli yox, aşağı yaş qruplarına da təsir edəcək. Limitin ləğvi yerli futbolçulara zərbə ola bilər. Bir baş məşqçi kimi mənim üçün bu, idealdır. Amma digər tərəfdən bizim akademiyalarımız var. 17-18 yaşlı uşaqların indi oynamaq şansları var idi. Amma bu qərardan sonra gənc futbolçular kənarda gözləməli olacaq. Artıq ehtiyatda gənc oyunçular yox, 24-25 yaşlı futbolçular oturacaq. Nüanslar çoxdur. Qərar qəbul olunubsa, razılaşmalıyıq və nəticəsinin necə olacağını gözləməliyik. Premyer Liqada komanda sayının artırılmasına gəldikdə, müsbət məqamdır. Yerli futbolçuların üzə çıxmaq şansları olacaq. Hər klubun öz strategiyası var. "Sumqayıt" öz akademiyasına da güvənəcək. Biz indi limiti yox, kuboku və Premyer Liqanı düşünürük. Azərbaycan futbolunu qaldırmaq lazımdır. Bunun üçün əlimizdən gələni edəcəyik”.

O, qarşısına avrokubok hədəfi qoyulmadığını vurğulayıb: “Özünüz də bilirsiniz ki, mən komandanı götürəndə neçənci yerdə idi və hansı hədəflər var idi. Mənim qarşıma elə hədəflər qoyulmayıb. Amma mən və komandam hər oyuna 3 xal üçün çıxacağıq”.

 








Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Avqust 2025
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31