Elias Xaralambus: "Bu gün bir az bəxtimiz gətirdi"

FCSB-nın baş məşqçisi Elias Xaralambus UEFA Avropa Liqasının VII turunda Bakıda “Qarabağ” üzərində qazanılan 3:2 hesablı qələbəni şərh edib.

Futbolxeber.az saytının məlumatına görə, kirpli mütəxəssis bir qədər bəxtlərinin gətirdiyini bildirib:

“Çox sevinirəm, oyunçularımla fəxr edirəm. Vacib üç xal qazandıq, gözəl oynadıq. Çox çətin olacağını bilirdik. Həqiqətən belə oldu. Əziyyət çəkdik. Amma əziyyətimizin bəhrəsini gördük. Futbolda bəzən bəxt amili də əhəmiyyətlidir. Bu gün bir az bəxtimiz də gətirdi. İlk dəqiqədə qol buraxmaq çətin idi. "Qarabağ" çox pressinq edirdi”.

O, “Qarabağ” tərəfdən hansısa sürprizlə qarşılaşmadıqlarını bildirib: “Nəyə ümid edirdiksə, onu gördük. “Qarabağ”ı araşdırmışdıq. Çətin oyun oldu, əziyyət çəkdik. Avropadakı oyun stili budur, əziyyət çəkilir. “Qarabağ” güclü komandadır. “Ayaks”la”, “Lion”la, “Zirə” ilə oyunda da hücumameyilli, güclü və sərt oyun göstərir. Qurban Qurbanova və komandaya böyük hörmətim var. “Qarabağ” çox gözəl komandadır”.