Valeh Seyidov “Dinamo”dan bu kluba keçdi

II Liqada mübarizə aparan “Dinamo” aparıcı hücumçusu, komandanın kapitanı Valeh Seyidovla vidalaşıb.

Futbolxeber.az saytının məlumatına görə, təcrübəli forvard karyerasını digər II Liqa təmsilçisi “Şimal”da davam etdirəcək. Seyidov mövsümün sonuna kimi Xaçmaz klubunun formasını geyəcək.

Valeh Seyidov cari mövsüm 5 qol vurub ki, həmin toplardan da birini məhz yeni klubunun qapısından keçirib.

Qeyd edək ki, ilk dövrədən sonra “Şimal” 31 xalla üçüncü pillədə qərarlaşıb. Komanda lider “Şahdağ-Qusar”dan 8, ikinci pillədəki “Şəfa”dan 3 xal geri qalır. “Dinamo” isə 19 xalla 14 komanda arasında 8-ci yeri tutur.