“Turan Tovuz” bu gecə vətəni tərk edir

Mövsümün ikinci hissəsinə Antalyada hazırlaşacaq “Turan Tovuz” bu gecə vətəni tərk edir.

Futbolxeber.az saytına bu barədə Tovuz klubunun mətbuat xidmətinin rəhbəri Süleyman Tağıyev məlumat verib.

Onun sözlərinə görə, komanda üzvləri bu gecə səhərə yaxın Antalyaya yollanacaqlar. Legionerlər isə kollektivə Türkiyədə qoşulacaqlar.

“Turan Tovuz”un Antalya toplanışı yanvarın 13-nə kimi davam edəcək. Bu müddətdə komanda yanvarın 9-da və 12-də olmaqla iki yoxlama oyunu keçirəcək. Rəqiblərdən biri artıq məlumdur. Bu, Rumıniya təmsilçisi “Qloria Buzau”dur. Tovuzluların rəqibi 21 turdan sonra Rumıniya çempionatında 16 komanda arasında sonuncu yeri tutur.

“Turan Tovuz”un hazırlıq prosesi çərçivəsində ikinci rəqibinin adı isə qarşıdakı günlərdə məlum olacaq.