“Neftçi” Tamaşın gedişi ilə bağlı yayılan xəbərə münasibət bildirdi

“Neftçi” Mark Tamaşın komandadan ayrıldığı barədə yayılan xəbərə münasibət bildirib.

Futbolxeber.az saytına açıqlamasında “ağ-qaralar”ın mətbuat xidmətinin rəhbəri Asəf Zeynallı hələlik bu barədə rəsmi məlumat olmadığını deyib:

“Məndə belə bir məlumat yoxdur. Rəsmi xəbər olarsa, klub tərəfindən açıqlanacaq”.

Qeyd edək ki, nemzetisport.hu saytı Tamaşın “Neftçi” ilə qarşılıqlı razılıq əsasında müqaviləsinə xitam verildiyini yazıb.