"Estoniyanı məğlub etməkdən başqa yolumuz yoxdur”

“Qarşıdakı görüşdə Estoniyanı məğlub etməliyik. Başqa yolumuz yoxdur. Əks halda millimiz qrup sonuncusu olacaq”.

Futbolxeber.az saytına açıqlamasında bu sözləri veteran futbolçu, Regional Futbol Federasiyasının prezidenti İsgəndər Cavadov deyib.

O, milli komandamızın ötən seçmə mərhələdə daha uğurlu çıxış etdiyini xatırladıb: “Millimiz Estoniyadan sonra İsveçlə üz-üzə gələcək. O oyun yığmamız üçün çox çətin olacaq. Biz bu komandanı da, elə Estoniyanı da, Slovakiyanı da əvvəlki seçmə illərdə məğlub etmişdik. Lakin bu dəfə əksini görürük. Hər bir rəqibə qarşı sona qədər oynamaq lazımdır”.

“Millimizin uğursuzluğunun səbəbini nədə görürsünüz?” sualını İ.Cavadov belə cavablandırıb: “Azərbaycan çempionatının səviyyəsini qaldırmalıyıq. Yerli futbolçular inkişaf etmir”.

Fərəc Aslanov