Berdiyev: "Bu gün 2 xal itirdik"

“İki fərqli hissə izlədik. Birinci hissədə düzgün düzülmədik. "Səbail" daha yaxşı görünürdü. İkinci yarıda düzəlişlər etdik və düşünürəm ki, yaxşı oynadıq”.

Futbolxeber.az saytının məlumatına görə, bu sözləri “Turan Tovuz”un baş məşqçisi Kurban Berdiyev “Səbail”lə oyundan sonra deyib.

O, futbolçuların süni örtükdə oynamaqdan şikayəti olmadığını bildirib: “Xeyr, şərtlər hamı üçün eynidir. Bununla bağlı şikayət yoxdur”.

“Bu gün "Turan Tovuz" 2 xal itirdi, yoxsa 1 xal qazandı?” sualını təcrübəli mütəxəssis belə cavablandırıb: “İkinci hissəni nəzərə alsaq, 2 xal itirdik”.

Berdiyev aqressiv olmadığını vurğulayıb: “Sadəcə olaraq istəyirdim ki, futbolçularım daha tez oynasınlar”.