"Sumqayıt" "Səbail"ə qalib gəldi

Azərbaycan Premyer Liqasında XI turun oyunları davam edir.

Futbolxeber.az saytının məlumatına görə, bu gün daha 2 matç oynanılıb.

Günün ilk qarşılaşmasında “Araz-Naxçıvan”la “Zirə” ilə üz-üzə gəlib. Çempionatda ikinci dövrə oynanılsa da, tərəflər mövsümdə ilk dəfə qarşılaşıblar. Çempionatın əvvəlində Rəşad Sadıqovun komandası UEFA Konfrans Liqasında çıxışını davam etdirdiyindən “Zirə” - “Araz-Naxçıvan” oyunu təxirə salınmışdı.

"Zirə" ilk hissədən sonra hesabda öndə olsa da, sonda qapısında qol görməklə 3 xalı əldən verib. Bununla da “Zirə”nin qələbəsiz oyunlar seriyası üçə çatıb. 

Daha sonra “Səbail” öz meydanında “Sumqayıt”ı qəbul edib. 7 turdur qələbəyə üzünə həsrət olan "kimyaçılar" tək qolla 3 xal qazanıb. Bu, Vaqif Cavadovun "Sumqayıt"ın baş məşqçisi postunda ilk qələbəsi idi. Bununla da “Sumqayıt” turnir cədvəlində 2 pilləyə irəliləyib. Şahin Diniyevin komandası isə 9-cu pilləyə enib. 

Qeyd edək ki, dünən start götürən tura sabah keçiriləcək 2 matçla yekun vurulacaq.

Azərbaycan Premyer Liqası

XI tur

26 oktyabr

“Səbail” - “Sumqayıt” - 0:1

Qol: Silvanus Nimeri, 51

Hakimlər: Fərid Hacıyev, Eyyub İbrahimov, Şirmamed Mamedov, Elvin Bayramov

“ASCO Arena”

“Araz-Naxçıvan” - “Zirə” - 1:1

Qollar: Georgi Papunaşvili, 31 (0:1), Felipe Santos, 89 - pen. (1:1)

Hakimlər: Əliyar Ağayev, Zeynal Zeynalov, Akif Əmirəli, Əkbər Əhmədov

“Liv Bona Dea Arena”

17:00. “Sabah” - “Neftçi”

19:00. “Qarabağ” - “Şamaxı”

25 oktyabr

“Turan Tovuz” - “Kəpəz” - 2:1

Bombardirlər: Cesse Sekidika ("Sabah") - 6 qol, Coy Lens Mikels ("Sabah") - 5 qol, Rafael Utziq ("Zirə"), Davit Volkov (“Zirə”)  - 4 qol