3 Aprel 2025, Cümə axşamı
Millimiz FİFA reytinqində gerilədi
Samir Abasov: “İnam 100 faiz var”
Elmar Baxşıyevdən qələbə şərhi
II Liqada XIX tura start verildi

Ölkə futbolu

Elmar Baxşıyev: “Komandam öz oyunu ilə hamıya layiqli cavabı verəcək”

“Yaxşı, dinamik oyun alındı. Hər iki komanda yaxşı iş ortaya qoydu. Həmişə komandamdan daha artığını istəyirəm. Futbolçular mənim istədiyim oyunu göstərməyə çalışırlar. Oyun baxımından daha da rəngarəng ola bilərik. Düşünürəm ki, heç-heçə ədalətli nəticədir”.

Futbolxeber.az saytının məlumatına görə, bu sözləri "Araz-Naxçıvan"ın baş məşqçisi Elmar Baxşıyev Azərbaycan Premyer Liqasının 9-cu turunda "Sabah"la 1:1 hesablı heç-heçə etdikləri oyundan sonra keçirilən mətbuat konfransında deyib.

Daha sonra o, jurnalistlərin suallarını cavablandırıb:

- Birinci dövrə bitdi. Bu nəticələri gözləyirdiniz?

- Hər məşqçi öz komandasına güvənməlidir. Bu komandanı formalaşdıranda çətinlik çəkirdik. Amma istədiyimiz futbolçuları heyətə cəlb edə bildik. Oyun planında daha da artıra bilərik. Bizə inanmasalar da, mən futbolçularıma inanıram. Komandam öz oyunu ilə hamıya layiqli cavabı verəcək.

- Sizə kim inanmır?

- Hiss edirik ki, klub olaraq bizə diqqət azdır. Büdcə ilə baxırlarsa, futbolda büdcə hər şey deyil. Futbolçular mənə inamı verib. Mən də onlardan daha artığını etmələrini istəyirəm ki, çempionatda daha çox diqqətə layiq olsunlar.

- Keçən il bu vaxtlarda da "Araz-Naxçıvan" üst pillələrdə idi, amma sonra Premyer Liqada qalmaq üçün mübarizə aparırdı. Bəlkə buna görə diqqət azdır?

- Hər şeyi incələsəm, çox danışacağıq. Ümumi komandalara olan diqqəti deyirəm. Biz də bilirik ki, keçən il ikinci dövrəni yaxşı keçirmədik. Bu, futboldur. Heyətimiz geniş olsa, biz də həmin dövrü rahat keçə bilərik. Ümid edirik ki, heyətimizi genişləndirəcəyik.

- Hakimlərin "Araz-Naxçıvan"a kömək etdiyi iddia olunur. Bu situasiya sizi narahat etmir?

- Ona görə diqqəti vurğuladım. Hakimin bizə simpatiyasının olduğunu gördünüzsə... "Turan Tovuz"la oyunda Ramon Maçadonun epizodundan danışırlar. Həmin epizoddan bugünkü matçda da oldu. Boyan Letiçin epizodu eynidir. Bunu heç kim danışmayacaq. Amma Maçadonun epizodunun üstündən 10 tur da keçsə, hamı danışacaq. Çempionat uzundur, komanda olaraq bərk olmalıyıq ki, bu maneələr bizi çaşdırmasın.

 








Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Aprel 2025
B.eÇ.aÇC.aCŞB
01 02 03 04 05 06
07 08 09 10 11 12 13
14 15 16 17 18 19 20
21 22 23 24 25 26 27
28 29 30