“Sumqayıt”ın “Ailəvi azarkeş” aksiyasının ilk qaliblərinə hədiyyələri təqdim olundu

"Sumqayıt" FK-nın "Ailəvi azarkeş" aksiyasının ilk qaliblərinə hədiyyələri təqdim olunub.

Futbolxeber.az saytının məlumatına görə, "Araz-Naxçıvan"la ev oyununda çəkdirdiyi fotoya ən çox reaksiya alan “Sumqayıt” azarkeşi Eldəniz İbişovun övladı Nurlana komandanın oyun geyimi və şərfi hədiyyə edilib.

“Sumqayıt” FK bildirir ki, siz də bu hədiyyələrə sahib olmaq istəyirsinizsə, "Zirə" ilə ev oyununda ailənizlə birlikdə (ən az bir böyük və bir uşaq) şəkil çəkdirib feysbukda klubun bununla bağlı postunun şərh bölməsinə yerləşdirin. 27 sentyabr saat 23:59-a qədər ən çox reaksiya alan azarkeşin fotosu qalib elan ediləcək.