"Neftçi"nin qələbəsiz, "Turan Tovuz"un məğlubiyyətsiz oyunlar seriyası davam edir

Bu gün Azərbaycan Premyer Liqasında 6-cı tura yekun vurulub.

Futbolxeber.az saytının məlumatına görə, son oyun günündə 2 matç keçirilib.

Turun mərkəzi matçı Zirədə keçirilib. Rəşad Sadıqovun komandası "Neftçi"ni qəbul edib. Roman Qriqorçukun gəlişindən sonra qələbəyə həsrət qalan flaqman uğursuz seriyaya çətin səfərdə də son qoya bilməyib. Hər hissədə 1 qol vuran "Zirə" meydanı 3 xalla tərk edib.

Turun son qarşılaşmasında isə lider "Turan Tovuz" Masazıra edib. Yekunda heç-heçə ilə kifayətlənən Tovuz klubu liderliyini qoruyub.

Azərbaycan Premyer Liqası

VI tur

15 sentyabr (bazar)

“Sabah” - “Turan Tovuz” - 2:2

Qollar: Cessi Sekidika, 6 (1:0), Roderik Miller, 36 (1:1), Cessi Sekidika, 47 (2:1), Ayxan Hüseynov, 77 (2:2)

Hakimlər: Əliyar Ağayev, Zeynal Zeynalov, Akif Əmirəli, Fərid Hacıyev

“Bank Respublika Arena”

“Zirə” - “Neftçi” - 2:0

Qollar: Salifu Suma, 1, Rafael Utziq, 60

Hakimlər: Elçin Məsiyev, Elşad Abdullayev, Pərvin Talıbov, Əkbər Əhmədov

Zirə İK stadionu

13 sentyabr (cümə)

“Araz-Naxçıvan” - “Kəpəz” - 1:0

14 sentyabr (şənbə)

“Qarabağ” - “Səbail” - 2:1

“Şamaxı” - “Sumqayıt” - 1:0

Bombardirlər: Davit Volkov ("Zirə"), Coy Lens Mikels ("Sabah") - 3 qol