4 Aprel 2025, Cümə
Millimiz FİFA reytinqində gerilədi
Samir Abasov: “İnam 100 faiz var”
Elmar Baxşıyevdən qələbə şərhi
II Liqada XIX tura start verildi

Ölkə futbolu

Gəncədə sular yenə bulanır...

Gəncədə sular yenə bulanıqdır. Neçə illərdi nümayiş etdirilən “serial”ın növbəti bölümü işıq üzü görmək ərəfəsindədir. Söhbət özlərini Gəncə futbolunun təəssübkeşi kimi göstərməyə çalışan bir qrup idarə olunan "xüsusi yoldaşlar"dan gedir.

Ardıcıl 4 məğlubiyyət alan komandanın baş məşqçisi Adil Şükürovu istefaya səsləməyə hazırlaşan bu qrup tezliklə fəaliyyətə başlayacaq. Ötən il "Gəncə xilaskarı" adlandırılan Şükürovun yola salınması üçün münbit şərait yaranıb. Maksimum daha bir neçə oyun susqunluq hökm sürə bilər, ancaq sonra "istefa şüarları asimana bülənd olacaq". Əslində, Adil bəyin ünvanına çoxdan əməliyyata başlanmalı idi. Sadəcə, ötən mövsüm əldə edilən nəticələr ənənəvi istefa planını təxirə saldırdı.

Ancaq məsələ burasındadır ki, istefa planının ideya müəllifləri hüquqi müstəvini unudur. Mütəxəssisin klubla rəsmi müqaviləsi var. Dolayısı ilə, bu istəyin həyata keçirilmə yolu heç də idarə olunan yoldaşlara məlum ifadəni qışqırtmaqdan keçmir. Sivil qaydada masa arxasına keçib situasiyaya aydınlıq gətirmək olar. Aydın məsələdir ki, baş məşqçinin yola salınması onu əvəzləyənin yeni transferlər istəməsini şərtləndirəcək. Bu da bir sıra adlarını çəkmədiyimiz əlavə qazanc axtaranlar üçün hadisələrin ideal formada cərəyan etməsidir.

Ancaq yuxarıda qeyd etdiyimiz məqam bu planları məhv edə bilər. Çünki büdcə o qədər də zəngin deyil ki, baş məşqçiyə 9 aylıq kompensasiyanı verib yola salasan. Bax, məhz bu faktor əzələ təzyiqinə ümid bağlayan qüvvələri daha diplomatik davranmağa sövq edir. Yaşayarıq, görərik. Ancaq əsl Gəncə azarkeşləri hadisələrin bu cür cərəyan etməsinə qarşı çıxmalıdı. Ki, aranı qarışdıranlar, büdcədən pay istəyənlər və ya tələb edənlər birdəfəlik ifşa olunsun və "Kəpəz"dən nəfslərini çəksin. Əks halda, şükürovlar, məmmədovlar və onlarla mütəxəssis "Nizami yurdu"na gəlib-gedəcək, ortada qazananlar isə şəxsi büdcələrini zənginləşdirəcək...

Futbolxeber.az








Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Aprel 2025
B.eÇ.aÇC.aCŞB
01 02 03 04 05 06
07 08 09 10 11 12 13
14 15 16 17 18 19 20
21 22 23 24 25 26 27
28 29 30