4 Aprel 2025, Cümə
Millimiz FİFA reytinqində gerilədi
Samir Abasov: “İnam 100 faiz var”
Elmar Baxşıyevdən qələbə şərhi
II Liqada XIX tura start verildi

Ölkə futbolu

Ayman Bouali: “Neftçi”yə qalib gəlmək istəyirik”

“Səbail”də olduğum üçün çox şadam. Ötən həftə həm yeni klubumda, həm də Azərbaycan çempionatında debüt etdim. Təəssüf ki, ilk turun matçı bizim üçün uğuruz alındı. “Zirə” yaxşı oynadı. Bizim isə müəyyən səhvlərimiz oldu”.

Futbolxeber.az saytına müsahibəsində bu sözləri “Səbail”in hücumçusu Ayman Bouali deyib.

Mərakeşli forvard Azərbaycan Premyer Liqasının səviyyəsinin yüksək olduğunu bildirib: “Bu Liqada oynamaq heç də asan deyil. Başqaları nə düşünür, bilmirəm. Amma mən hesab edirəm ki, Azərbaycan çempionatında uğur qazanmaq üçün hər matça tam fokuslanmalı, daha çox mübarizə aparmalısan”.

24 yaşlı futbolçu “Səbail”in bir qədər zamana ehtiyat duyduğunu söyləyib: “Yaxşı oyunçularımız var. Sadəcə bir qədər artırmalı, taktiki cəhətdən daha yaxşı olmalıyıq. İlk turdakı səhvlərimizi korrektə etməli, bir daha təkrarlamamalıyıq. Bir qədər zamana ehtiyacımız var. Turlan keçdikcə daha yaxşı oynayacağıq. Buna əminəm”.

A.Bouali bu gün ikinci tur çərçivəsində “Neftçi”yə qarşı keçirəcəkləri matçda hədəflərinin 3 xal olduğunu vurğulayıb: “Neftçi” çox yaxşı komandadır. Rəqib haqda məlumatım var. Heyətlərində güclü futbolçular cəmləşib. Lakin bu, bizi qorxutmur. “Neftçi”yə qalib gəlmək istəyirik. Hər nə qədər çətin olsa da, istəyimizə çatmaq üçün əlimizdən gələni edəcəyik”.

Sonda o, “Cari mövsüm Azərbaycan Premyer Liqasında neçə qol vurmağı hədəfləyirsiniz?” sualını belə cavablandırıb: “Bunu mən yox, Allah bilər. Mən müsəlmanam. Təbii ki, bacardığım qədər daha çox qol vurmaq istərəm. Lakin konkret rəqəm deyə bilməyəcəm. Əsas məqsədim “Səbail”ə kömək etməkdir. Kimin qol vurmasının bir o qədər önəmli yoxdur. Vacib olan komandamızın uğurudur”.

İbrahim Cəfərov

 








Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Aprel 2025
B.eÇ.aÇC.aCŞB
01 02 03 04 05 06
07 08 09 10 11 12 13
14 15 16 17 18 19 20
21 22 23 24 25 26 27
28 29 30