“Sabah” “Sent Patriks”ə məğlub oldu

UEFA Konfrans Liqasında 3-cü təsnifat mərhələsinin ilk oyunları davam edir.

Futbolxeber.az saytının məlumatına görə, turnirdəki təmsilçilərimizdən “Sabah” İrlandiyada “Sent Patriks”in qonağı olub. Matç təmsilçimizin məğlubiyyəti ilə başa çatıb.

"Sabah" İrlandiya klubunu keçsə, pley-offda “Saburtalo” (Gürcüstan) - “Başakşəhər” (Türkiyə) cütünün qalibi ilə üz-üzə gələcək.

Qeyd edək ki, bu komandalar arasında cavab oyunu avqustun 15-də Bakıda keçiriləcək.

UEFA Konfrans Liqası

III təsnifat mərhələsi, ilk oyun

8 avqust

"Sent-Patriks Atletik" (İrlandiya) - "Sabah" (Azərbaycan) - 1:0

Qol: Romal Palmer, 35 

Hakimlər: Vilhjalmur Thorarinsson, Gilfi Mar Siqurdson, Birkir Siqurdarson, Helqi Mikael Conasson (İslandiya)

Dublin, "Tallayt Stadium"