"Sabah" 6 qol buraxsa da, mərhələ adladı

"Sabah" UEFA Konfrans Liqasının 2-ci təsnifat mərhələsində "Makkabi" (Hayfa, İsrail) ilə cavab oyununa çıxıb.

Futbolxeber.az saytının məlumatına görə, matçın əsas vaxtı 2:5 hesabı ilə başa çatıb. İlk oyunda "Sabah" 3:0 hesablı qələbə qazandığı üçün əlavə vaxt oynanılıb. Burada da komandalar hərəyə 1 dəfə fərqləniblər. Ona görə də penaltilər seriyasına ehtiyac duyulub. Penaltilər seriyasında "Sabah" "Makkabi"ni 3:2 hesabı ilə məğlub edərək mərhələ adlayıb.

"Sabah" 3-cü mərhələdə "Sent-Patriks Atletik" (İrlandiya) - "Vadus" (Lixtenşteyn)  cütünün qalibi ilə qarşılaşacaq və ilk oyununu səfərdə keçirəcək.

UEFA Konfrans Liqası

II təsnifat mərhələsi, cavab oyunu

1 avqust

"Sabah" (Azərbaycan) - "Makkabi" (Hayfa, İsrail) - 3:6 (Penaltilər seriyası - 3:2)

Qollar: Dolev Hazizia, 17 (0:1), Pavol Şafranko, 47 (1:1), Frantsdi Pyerro, 67 (1:2), Lorenko Simiç, 70 (1:3), Kahim Parris, 71 (2:3), Lior Rafaelov, 73 (2:4), Françdi Pierro, 90 (2:5), Coy-Lens Mikels, 103 (3:5), Dean David, 112 (3:6)

Hakimlər: Peter Kraloviç, Tomaş Starka, Matey Zemko, Boris Marhefka (Slovakiya)

"Bank Respublika Arena".

İlk oyun - 3:0