Rəşad Sadıqov: "Azarkeşlər üçün maraqlı, sürətli, mübarizəli bir oyun olacaq"

"Olduqca vacib oyuna gəlmişik. Düşünürəm ki, yetərincə yaxşı hazırlaşa bilmişik. Bilirik ki, rəqib ilk dəqiqələrdən üzərimizdə təzyiq yaratmağa çalışacaq".

 

Futbolxeber.az saytının məlumatına görə, bu sözləri "Zirə"nin baş məşqçisi Rəşad Sadıqov UEFA Avropa Liqasının 1-ci təsnifat mərhələsinin "Şerif"lə keçiriləcək ilk oyunu üçün təşkil edilən mətbuat konfransında deyib.

 

O  maraqlı bir oyun olacağını bildirib:,"Rəqibi tanımaq, təhlil etmək baxımından müəyyən problemlər yaşayırıq. Çünki onların heyətində çoxsaylı transferlər var. O baxımdan bir az çətindir. Bununla belə, məncə, azarkeşlər üçün maraqlı, sürətli, mübarizəli bir oyun olacaq. Baxmayaraq, ki, hər iki komanda üçün mövsümdə ilk oyundur və hava da çox istidir, azarkeşlər üçün maraqlı oyun olacağını düşünürəm".