20 Iyun 2024, Cümə axşamı
Millimiz FİFA reytinqində irəlilədi
“Avro-2024: Futbolxeber.az-la qazan!”
"Qarabağ"ın ÇL-dəki rəqibi müəyyənləşdi
"Şamaxı"da fransalı yarımmüdafiəçi

Ölkə futbolu

“Qarabağ”ın koordinatoru oğlunun oyunu barədə danışmaq istəmədi

AFTANDİL HACIYEV: “HƏR BİR VALİDEYN KİMİ ÖVLADIMIN İSTƏYİNİN QARŞISINI ALMAMIŞAM”

"Akademiyalarda - U-13, U-14, U-15, U-16-larda pley-off mərhələləri başlayıb. Hər yaş qrupu üzrə komandalarımız bu mərhələdə iştirak edir”.

Futbolxeber.az saytına müsahibəsində bu sözləri “Qarabağ” Futbol Akademiyasının koordinatoru Aftandil Hacıyev deyib.

O, ölkə çempionatının yarımfinal mərhələsində Ağdam klubunun 15 yaşlılarının “Neftçi”yə qarşı keçirdikləri oyundan da danışıb. Mütəxəssis qeyd edib ki, “Qarabağ”ın bu yaş qrupu üzrə komandasına böyük ümidlər bəslədiyirlər: “U-15 bizim hədəf qrupumuzdur. Hansı ki, gələcəkdə bu qrupdan böyük futbolda bir neçə nəfər qazandıra biləcəyimizi düşünürük. Maraqlı oyun keçdi. Düzdür, “Neftçi” ilə bundan da maraqlı görüşlərimiz olub. Ən azından liqanın ən yaxşı komandaların ikisi mübarizə aparırdı. 3:1 hesablı qələbə qazansaq da, cavab görüşü də gərgin keçəcək. Cütün taleyi hələ həll olunmayıb”.

A.Hacıyev “Qarabağ”ın U-15 komandasının yenidən çempion olmaq şansını belə dəyərləndirib: “Məqsədimiz uşaqları inkişaf etdirməkdir. Çempion olsalar da, olmasalar da. Hədəf onları daha da püxtələşdirib gələcəkdə böyük futbola, milli komandamıza, “Qarabağ”ın əsas heyətinə qazandırmaqdır”.

Mütəxəssis “Qarabağ”ın U-15 komandasının qapısını qoruyan oğlu Bilal Hacıyevin çıxışı barədə danışmaq istəməyib: “Bir valideyn olaraq oğlumun oyunu haqda fikir bildirməyəcəm. Amma uşaqlıqdan qapıda durmağa həvəsi olub. Mən də hər bir valideyn kimi övladımın istəyinin qarşısını almamışam. Nəyə həvəsi olduğunu gördükdə, ona şərait yaratmağın daha doğru olduğunu düşünürəm. O da qapını seçib”.

Fərəc ASLANOV




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Iyun 2024
B.eÇ.aÇC.aCŞB
01 02
03 04 05 06 07 08 09
10 11 12 13 14 15 16
17 18 19 20 21 22 23
24 25 26 27 28 29 30