“Araz-Naxçıvan”ın hazırlıq planı məlum oldu

“Hələ ki axtarışlarımız davam edir. Hazırda üzərində tam dayanacaq yerli və ya əcnəbi oyunçu yoxdur”.

Futbolxeber.az saytına açıqlamasında bu sözləri “Araz-Naxçıvan”ın baş məşqçisi Elmar Baxşıyev transfer çalışamaları barədə danışarkən deyib.

Mütəxəssis komandanın hazırlıq planının böyük ölçüdə müəyyənləşdiyini bildirib: “Komanda iyunun 25-də Bakıda bir araya gələcək. Ayın 28-də hazırlığın ilk mərhələsini keçmək üçün Qəbələyə yollanacağıq. Daha sonra isə Türkiyə toplanışı nəzərdə tutulub. Hazırlığın ikinci mərhələsi iyulun 10-dan sonraya planlaşdırılıb”.