Elmar Baxşıyev: “Mən təzyiqləri "Qəbələ"də də hiss etmişəm”

“Bilirdik ki, son matçdır, "Qarabağ"a qarşı oynayırıq. Azarkeşlər üçün maraqlı oyun oldu. Qalib gələ də, uduza da bilərdik. Komandamı təbrik edirəm. Qarşıdakı günlərdə rəhbərliklə danışığınız olacaq. Ona uyğun hərəkət edəcəyik”.

Futbolxeber.az saytının məlumatına görə, bu sözləri “Qəbələ”nin baş məşqçisi Elmar Baxşıyev Azərbaycan Premyer Liqasının 36-cı turunda “Qarabağ”a qarşı keçirilən oyundan (2:2) sonra deyib.

Daha sonra o, jurnalistlərin suallarını cavablandırıb:

- Mətbuatda sizin "Araz-Naxçıvan"dan gedəcəyiniz, əcnəbi baş məşqçinin gələcəyi ilə bağlı xəbərlər var. Bugünkü nəticə ilə həmin tənqidlərə, xəbərlərə cavab verdiyinizi düşünmək olar?

- Mən təzyiqləri "Qəbələ"də də hiss etmişəm. Mənim tələbim o olub ki, 2 aylıq müqavilə bağlayaq, komandanı tanıyım. Rəhbərlik mənə 1 il artıq müqavilə təklif edirdi. Mən razılaşmadım. Çünki bu çempionatı başa vurmaq lazımdır. Mətbuat məni göndərməyə çalışır. Əlbəttə ki, rəhbərliyin sözü önəmlidir.

- Sizin davam etmək fikriniz var?

- Mənim də tələblərim var. Daha iddialı komanda görmək istəyirəm. Tələblərim yerinə yetirilsə, bu layihə mənə uyğundur. "Qəbələ" necə söz sahibi mən idimsə, burada da 2 ay ərzində mənim sözüm komandanın üstündə olub. Yenə də görüş hər şeyi aydın edəcək. Ümid edirəm ki, mənim təkliflərim də klub üçün maraqlı olacaq.

- "Qəbələ"nin aşağı liqaya düşməsinə məyus oldunuz?

- Çox məyus oldum. Futbolçuların klubdan ayrılmasına daha çox məyus olmuşdum. Futbol onu göstərir ki, hər şeyin qədrini bilmək və oyunçuları komandada saxlamaq önəmlidir. Riskə getdik. O risk də özünü doğrultmadı. "Qəbələ" köklü klubdur. İnanıram ki, 1 il sonra onları yenidən Premyer Liqada görəcəyik.