"Zirə" və "Qarabağ" finalda

Bu gün futbol üzrə Azərbaycan kubokunda yarımfinal mərhələsinin təkrar oyunları keçirilib.

Futbolxeber.az saytının məlumatına görə, günün ilk oyununda “Qəbələ” “Zirə”ni qəbul edib. Bu komandaların birinci görüşündə “Zirə” 2:1 hesabı ilə qələbə qazanıb. Səfərdə də qələbə qazanan Rəşad Sadıqovun komandası finala vəsiqə qazanıb.

Digər oyunda isə “Qarabağ”la “Neftçi” üz-üzə gəlib. İlk görüşdə səfərdə rəqibini böyük hesabla (4:0) məğlubiyyətə uğradan Ağdam təmsilçisi ikinci görüşdə də qələvə qazanmaqla ikinci finalçı olub.

Qeyd edək ki, final matçı iyunun 2-də keçiriləcək.

Azərbaycan kuboku

1/2 final, cavab oyunları

24 aprel

“Qarabağ” - “Neftçi” - 4:1

Qollar: Juninyo, 16 (1:0), Qara Qarayev, 61-avtoqol (2:0), Ruslan Mirzov, 63 (2:1), Juninyo, 69 (3:1), Nəriman Axundzadə, 78 (4:1)

Hakimlər: Əliyar Ağayev, Zeynal Zeynalov, Akif Əmirəli, Rauf Cabarov

İlk oyun - 4:0

Tofiq Bəhramov adına Respublika stadionu

“Qəbələ” - “Zirə” - 0:2

Qollar: Vladislav Kulaç, 59, Rafael Utsiq, 84

Hakimlər: Tural Qurbanov, Müslüm Əliyev, Vüsal Məmmədov, Rauf Allahverdiyev

İlk oyun - 1:2

Qəbələ şəhər stadionu