Azərbaycanın U-19 millisi Latviyaya da uduzdu

19 yaşadək qadın futbolçulardan ibarət Azərbaycan milli komandası bu gün Avropa çempionatının seçmə mərhələsi çərçivəsində son oyununu keçirib.

Futbolxeber.az saytının məlumatına görə, milli B Liqasının 1-ci qrupunda Latviyanın müvafiq yaş qrupundan ibarət komandası ilə qarşılaşıb.

Bu oyunun millinin 0:4 hesablı məğlubiyyəti ilə başa çatıb.

U-19 daha öncə Monteneqroya 0:4, Bolqarıstana isə 0:1 hesabı ilə uduzub. Komanda turniri xalsız sonuncu pillədə başa vurub.