Sabiq klub prezidenti Rövnəq Abdullayevdən yazdı

Bakının "İnter" (indiki "Şamaxı") klubunun prezidenti olmuş Georgi Nikolov AFFA-nın sabiq rəhbəri Rövnəq Abdullayev barədə fikirlərini bildirib.

Futbolxeber.az saytının məlumatına görə, bolqarıstanlı saiq futbol rəsmisi bu haqda özünün sosial media səhifəsində paylaşım edib:

"Onu AFFA prezidenti seçəndə mən çox razı qalmamışdım. Sonra başa düşdüm ki, öz fikrimdə yanılmışam. Rövnəq Abdulayevin adı Azərbaycanda futbolun yaxşı inkişaf dövrü ilə bağlıdır. Onun ürəkdən alqışladığım bütün uğurlu qərarlarını sadalamayacağam. Necə ki, onun idarəçiliyində olan nöqsanları mən şiddətlə tənqid edirdim.

Heç kim ideal deyil. Və bir gün biz estafeti öz davamçılarımıza ötürəcəyik. Əsas odur ki, biz iz bura bilək. Cənab Abdulayevin etdikləri heyrətamizdir. Mən şadam ki, onu tanıyırdım və missiyasına bacardığım qədər kömək edirdim".

Xatırladaq ki, apreli 2-də AFFA-ya yeni prezident (Rövşən Nəcəf) seçilib. Bununla da R.Abdullayev 2008-ci ildən prezidenti olduğu bu vəzifədən ayrılıb.