Coşqun oynamadı, komandası uduzdu

Türkiyə birinci liqasında 26-cı tura yekun vurulub.

Futbolxeber.az saytının məlumatına görə, turun son matçında millimizin üzvləri – Sərtan Taşkının çıxış etdiyi “Manisa” Coşqun Diniyevin şərəfini qoruduğu “Ümraniyespor”u qəbul edib.

Sərtan meydana start heyətində çıxıb və görüşü əvəzolunmadan keçirib. Coşqun isə sona kimi ehtiyatda qalıb. Diniyevin yoxluğunda komandası 2:3 hesabı ilə uduzub.

Bu nəticədən sonra xallarının sayını 31-ə çatdıran “Manisa” turnir cədvəlində 11-ci pilləyə yüksəlib. 30 xalda qalan “Ümraniyespor” isə 13-cüdür.