Xabi Alonso: "Qarabağ"a qarşı matçda oyuna nəzarətimiz az idi"

"Bayer"in baş məşqçisi Xabi Alonso Avropa Liqasının 1/8 finalında keçirilən "Qarabağ"la ilk oyunu (2:2) xatırladıb.

Futbolxeber.az-ın klubun saytına istinadən verdiyi məlumata görə, o, Bundesliqanın 25-ci turunda "Volfsburq"la matç öncəsi keçirilən mətbuat konfransında deyib:

"Hər zaman yaxşı oynamaq və bundan zövq almaq istəyirik. Amma bu, bəzən mümkün olmur. "Qarabağ"a qarşı matçda bir neçə səhv etdik və oyuna nəzarətimiz az idi. Təkmilləşdirilməli olduğumuz çox şey var. Həmişə özümüzü tənqid edirik. Qalib gələndə belə, səhvlərimiz haqda düşünürük. Təyyarədə olduğumuz zamanı işlərimizi görmək üçün istifadə etdik".

Qeyd edək ki, "Bayer"in "Qarabağ"la cavab görüşü aprelin 14-ü keçiriləcək.