"Braqa"nın kapitanı: "Mərhələni keçməyə layiq idik"

“Çətin bir gecə idi. Düşünürəm ki, ikinci hissədə daha yaxşı oynadıq. Birinci hissə bir az pis oldu. Amma fasilədən sonra iki qol vurduq, lakin mərhələni keçə bilmədik".

Futbolxeber.az saytının "A Bola"ya istinadən verdiyi məlumata görə, bu sözləri “Braqa”nın kapitanı Abel Ruis Avropa Liqası pley-off mərhələsinin “Qarabağ”la cavab matçından sonra deyib.

Portuqaliyalı hücumçu bildirib ki, "Qarabağ" güclü komanda olsa da, "Braqa" mərhələni keçməyə layiq olub: "Qarabağ"la matçlarımızı izləyən hər kəs rəqibin əla komanda olduğunu, çox yaxşı oynadıqlarını və işimizi çox çətinləşdirdiklərini gördü. Cavab matçında üstün idik və mərhələni keçməyə layiq idik. Amma bu, futboldur. İndi bizim üçün çox vacib olan çempionatdır. Qarşıda növbəti oyunumuz var, diqqətimizi o oyuna yönəltməliyik”.

Xatırladaq ki, “Qarabağ” iki oyunun nəticəsinə görə “Braqa”nı üstələyərək (4:2, 2:3) 1/8 finala yüksəlib.