Yenilənmiş "Mehdi Hüseynzadə"də 10 il sonra ilk oyun

Bu gün Mehdi Hüseynzadə adına Sumqayıt şəhər stadionunda yenidənqurmadan sonra ilk oyun keçiriləcək.

Futbolxeber.az saytının məlumatına görə, Azərbaycan Premyer Liqasının 21-ci turu çərçivəsində “Sumqayıt” “Neftçi”ni bu arenada qəbul edəcək. Bu, 10 illik fasilədən sonra yenilənmiş “Mehdi Hüseynzadə”də ilk oyun olacaq.

Saat 15:00-da başlayacaq matçda anşlaq yaşanacaq. Belə ki, görüş üçün satışa çıxarılan 8 mindən artıq biletin hamısı satılıb.

Qeyd edək ki, matçın startından 1 saat əvvəl konsert proqramı da təşkil olunacaq.

Qeyd edək ki, "Sumqayıt" bu stadionda sonuncu dəfə 2014-cü ildə oyun keçirib. Premyer Liqanın matçında "Qarabağ"ı qəbul edən "Sumqayıt" 1:0 hesablı qələbə qazanıb.