Tanınmış rusiyalı məşqçidən AFFA-ya mesaj: “Azərbaycan millisində işləməyə hazıram”

Tanınmış rusiyalı mütəxəssis, “Qəbələ”nin sabiq məşqçisi Yuri Syomin Azərbaycan millisində çalışmağa hazırdır.

Futbolxeber.az saytına müsahibəsində rusiyalı məşqçi bu barədə deyib:

“Böyük məmuniyyətlə Azərbaycan millisində işləməyə hazıram. Hazırkı komandanın potensialına bələdəm. Məncə, Azərbaycan millisində heç də zəif futbolçular cəmləşməyib. Düzdür, yığmada daha əvvəl də xarici məşqçilər işləyib və bir qədər uğursuzluqla üzləşiblər. Bunun bir neçə səbəbi var. Əsas faktorlardan biri oyunçuları yaxşı tanımamaqdır. Eləcə də mentaliteti bilmirlər. Hesab edirəm ki, Azərbaycan millisi ilə daha yaxşı nəticələr qazanmaq mümkündür. Amma təbii ki, dünya kubokunu qazanmağa söz verə bilmərəm (gülür)”.

Fərəc ASLANOV