“Səbail” Xaçmazda

"Səbail” PFK uşaq futbolunun inkişafı, bu istiqamətdə kütləviliyin artırılması məqsədilə təkcə Bakıda deyil, eyni zamanda, respublikamızın müxtəlif regionlarında da klubun bölmələrinin fəaliyyət göstərməsi ilə bağlı müəyyən layihələrin həyata keçirilməsinə start verib.

 

Futbolxeber.az saytının klubun feysbuk səhifəsinə istinadən verdiyi məlumata görə, cari mövsümdə layihə çərçivəsində ilk tədbir Xaçmaz rayonunun Ləcət kəndində təşkil olunub. "Səbail"in akademiyasının koordinatoru Mirbağır İsayev və U-19 komandasının məşqçisi Rahid Əmirquliyev Ləcət kəndində “Səbail” PFK-nın xüsusi bölməsində məşq edən uşaqlarla görüşüb, onların məşqini izləyib, məşqçilərlə fikir mübadiləsi aparıblar. Uşaqlara klubun idman geyimləri, toplar və məşq avadanlıqları təqdim olunub. 

 

Qeyd edək ki, mövsüm ərzində “Səbail” PFK-nın digər bölgələrimizdə də bölmələrinin açılması planlaşdırılır.