“Neftçi” braziliyalı yarımmüdafiəçi ilə güclənir?

"Neftçi" qış transfer pəncərəsində heyətinə yeni futbolçu cəlb edə bilər.

Futbolxeber.az-ın sportmedia.mk saytına istinadən verdiyi məlumata görə, flaqman "Şkupi"nin yarımmüdafiəçisi Kuevenlə maraqlanır. "Neftçi"nin 25 yaşlı oyunçunun heyətinə qatmaq istədiyi vurğulanıb.

Xəbərdə braziliyalı futbolçunun Şimali Makedoniya klubu ilə müqaviləsinin dekabrın 31-i başa çatacağı vurğulanıb. Bu isə o deməkdir ki, "Neftçi" onu transfer etsə, təzminat ödəməyəcək.

Yazıda həmçinin, Kuevenin "Şkupi"nin ən yaxşı futbolçusu olduğu vurğulanıb.

Qeyd edək ki, yarımmüdafiəçi 2022-ci ilin yanvarından hazırkı klubunda oynayır.