4 Aprel 2025, Cümə
Millimiz FİFA reytinqində gerilədi
Samir Abasov: “İnam 100 faiz var”
Elmar Baxşıyevdən qələbə şərhi
II Liqada XIX tura start verildi

Ölkə futbolu

Eddi İsrafilov: “Bu mövsüm istədiyimizə nail olacağıq”

“Çox yaxşı keyfiyyətlərə malik rəqibə qarşı oynadıq. "Qarabağ" topla rəftarı sevir. Oyun ərzində uzun müddət rəqib bu baxımdan yaxşısını edə bildi. Bizə çox çətinlik yaşatdılar”.

Futbolxeber.az saytına açıqlamasında bu sözləri “Neftçi”nin yarımmüdafiəçisi Eddi İsrafilov Azərbaycan Premyer Liqasının XVII turunda “Qarabağ”a 0:2 hesabı ilə uduzduqları oyun barədə danışarkən deyib.

31 yaşlı futbolçu yenilgini belə şərh edib: “Son nəfəsə qədər mübarizə apardıq, döyüşməyə cəhd göstərdik. Alınmadı, amma biz birlikdə bu mövsüm istədiyimizə nail olacağıq”.

Ağdam klubu ilə aralarındakı xal fərqi 17-yə çatsa da, E.İsrafilov "Neftçi"nin məqsədinin çempionluq olduğunu bildirib: “Bizim tək niyyətimiz budur, meydana bunun üçün çıxırıq. Nə baş verəcəyini birlikdə görəcəyik. Hər səhər yuxudan oyanıb düşündüyümüz tək şey hər matçda qurduğumuz plan, oynayacağımız oyundur. Qarşımıza məqsəd qoymuşuq. Fərqi yoxdur, bu "Qarabağ" olsun, yaxud "Kəpəz", istənilən rəqib üzərində biz yalnız qələbə cəhdləri barədə düşünürük. Keçmişdə də bunun baş verdiyini görmüsünüz”.

“Neftçi”nin yarımmüdafiəçisi 2023-cü ilin son 2 matçında yaxşı nəticə qazanmaq istədiklərini vurğulayıb: “Qarşıda bizi kubok matçı gözləyir. İlk olaraq bütün fikrimizi bu oyuna cəmləməliyik, çünki biz kubok uğrunda mübarizəni davam etdirmək istəyirik. Bundan sonra Premyer Liqada ilin son matçı barədə düşünə bilərik. İndi üçün yalnız hədəfimiz kubokdur. Diqqətimizi oraya yönəltmişik”.

Azad NURİYEV

 








Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Aprel 2025
B.eÇ.aÇC.aCŞB
01 02 03 04 05 06
07 08 09 10 11 12 13
14 15 16 17 18 19 20
21 22 23 24 25 26 27
28 29 30