Qurban Qurbanov: “Qarabağ” adının dəyəri hamımız üçün çox böyükdür”

Komanda.az saytının sorğusunda 13-cü dəfə Azərbaycanın ən yaxşı məşqçisi seçilən Qurban Qurbanov tədbirdən sonra jurnalistlərin suallarını cavablandırıb.

Futbolxeber.az saytının məlumatına görə, təcrübəli mütəxəssis əvvəlcə yenidən ilin məşqçisi seçilməsi haqda danışıb:

- İlk öncə məni bu ada layiq görən hər kəsə təşəkkür edirəım. Yenidən bu ilin məşqçisi seçildiyim üçün sevinirəm. İnsanın zəhmətinə dəyər veriləndə əhval-ruhiyyəsi yaxşılaşır. Ona görə də hər kəsə minnətdaram.

- Demək olar ki, bu cür fərdi mükafatlar həm də məsuliyyəti artırır?

- Çox istərdim ki, işimizdə daima uğurlu olaq, yaxşı nəticələr əldə edək. Çünki hər bir klub uğur əldə etmək üçün çalışır. Xüsusən də “Qarabağ” kimi klubda məsuliyyətsiz olmaq qeyri-mümkünür. İstər-istəməz rəqabət artır, klubların sayı çoxlarır. Düşünürəm ki, get-gedə sponsorlar atracaq, rəqabət daha da güclənəcək. Çox istərdim ki, elə rəhbərliklə birlikdə bu klubu yaxşı  səviyyədə qoruyub saxlayaq. Çünki “Qarabağ” adının dəyəri bizim hamımız üçün çox böyükdür.

- Uğurlar artdıqca komandanı idarə etmək məsuliyyəti və çətinliyi də çoxalır. Bundan sonrakı işiniz nə dərəcədə çətin olacaq? Və ya bunun öhdəsindən gəlməyin asan yolu varmı?

- Asan yolları var. Amma əgər bizdən daha böyük uğur gözlənilirsə, iş saatımız çoxalır. Rəqiblərimizin təcrübəsi artır, güclənirlər. Oyunlara daha yaxşı hazırlaşmaq üçün islahatlarımız çoxalmalıdır. Komanda olaraq. Çalışacağıq ki, bütün bunları düşünürək addım ataq və iş prinsipimizi artıraq.

- Qalib olduğunuz sorğuda digər namizədlərin adlarını eşitdiniz. Seçim imkanı olsaydı, Qurban Qurbanov kimə səs verərdi?

- Çox istərdim ki, digər məşqçilərin hər birinə də bu ad verilsin. Çünki öz üzərlərində gecə-gündüz çalışırlar. Təcrübə toplayırlar, savadlarını artırırlar. İnanın ki, bəzən onlara qibtə edirəm. Öz işlərini çox sevirlər, heç nəyə fikir vermədən, Azərbaycan futbolu üçün bacarıqlı şəxsiyyət olmaq üçün çalışırlar. İstərdim hamısı ən yaxşı adına layiq görülsün. İnanıram ki olacaq. Hər biri də buna layiqdi. Rəşad Sadıqov, Ayxan Abbasov, Samir Abasov, Elmar Baxşıyev və digərləri. Kimisə unutdumsa, üzürlü hesab eləsin. Bu, olacaq və hər birinə uğurlar arzulayıram.

- Avropa Liqasının play-offu üçün transfer nəzərdə tutulub?

- Sırf pley-off üçün transfer etsək, bu, yanlış olar. Daima çalışırıq güclənək. Hansısa xətdə dəyişklik lazımdısa, onu dərhal etməyə çalışıram. Dünən də mənə müdafiə xətti ilə bağlı sual oldu. Bəli, hər transfer pəncərəsində hansısa dəyişiklik etmək istrəyirəm. Buna bəzən ehtiyac olur. Bizə faydalı ola biləcək futbolçu olsa, onu transfer edəcəyik. Hətta həmin mövqedə 2-3 futbolçumuz varsa belə.

İbrahim CƏFƏROV