Əyyub Allaş: “Bəxt “Qarabağ”ın tərəfində idi”

“Qəbələ”nin yarımmüdafiəçisi Əyyub Allaşın Futbolxeber.az saytına müsahibəsi

- “Qarabağ”dan alınan 0:3 hesablı məğlubiyyəti necə şərh edərdiz?

- Əlbəttə, bu cür yenilgidən sonra danışmaq çətindir. Nə demək olar? Bu, futboldur. "Qarabağ"a qarşı oynamaq asan deyil. Bu gün bəxt rəqibin tərəfində idi. Hesab başqa cür də ola bilərdi. Təəssüf ki, çətin səfərdə istədiyimiz nəticəni qazana bilmədik.

- "Qəbələ"nin qol vurmaq üçün şansları olsa da, rəqib qapısına yol tapmaq mümlün olmadı. Fərqlənməyinizə nə mane oldu?

- Oyun ərzində 2 zərbəmiz dirəkdən qayıtdı. Qarşılaşma boyu bizim bəxtimiz heç gətirmirdi. Bununla belə, hər oyuna ciddi hazırlaşırıq. Belə epizodları qola çevirmək üçün məşqlərdə tam gücümüzlə çalışırıq.

- Ötən tur 4 qol vursaz da, bu dəfə qol hesabını aça bilmədiniz. Bu qeyri-stabilliyə səbəb nədir?

- Düşünürəm ki, "Qarabağ"a qarşı pis oynamadıq. Onlara qarşı təzyiq göstərirdik. Meydanda inamlı mübarizə aparırdıq. Həm mən, həm komanda yoldaşlarımın bir çox epizodda bəxti gətirmədi. Yaxaladığımız şansları qola çevirsəydik, hesab 2:1, hətta 2:2 ola bilərdi.

- Növbəti oyun "Kəpəz"ə qarşı oynayacaqsınız...

- Hədəfimiz həmin matçda qalib gəlməkdir. "Kəpəz"i məğlub edəcəyik. 3 xal qazanmağa köklənmişik. Başqa bir nəticə bizə sərf etmir.

Azad NURİYEV