Şahin Diniyevdən “Şəfa”ya jest

"Səbail”in baş məşqçisi Şahin Diniyev ölkə kubokunun II təsnifat mərhələsində 7:0 hesabı ilə məğlub etdikləri “Şəfa” ilə oyundan sonra ilk olaraq öz komandasının deyil, rəqibin paltardəyişmə otağına yollanıb.

Matçdan sonra Futbolxeber.az saytının əməkdaşının bununla bağlı sualını cavablandıran təcrübəli mütəxəssis addımının səbəbini belə izah edib:

“Bəli, “Şəfa”nın paltardəyişmə otağına yollandım. Onlara dəstək oldum. Bildirdim ki, böyük hesablı məğlubiyyətə baxmayaraq, ruhdan düşməsinlər. Bu səviyyədə ilk oyunları idi. Təcrübələri az olsa da, hiss olunurdu ki, komanda futbol oynamaq istəyir. Düşünürəm ki, istiqaməti düz tutsalar, bir müddət sonra daha yaxşı yerlərə gələ biləcəklər”.

Fərəc ASLANOV