Azərbaycan millisinə 16 legioner dəvət aldı

Millətlər Liqasında səfərdə Kipr, Bakıda Farer adaları yığması ilə qarşılaşacaq qadın futbolçulardan ibarət Azərbaycan millisinin heyəti açıqlanıb.

Futbolxeber.az saytının məlumatına görə, baş məşqçi Siyasət Əsgərov 23 oyunçuya dəvət göndərib.

Yığmamız qeyd olunan matçlara hazırlıq məqsədilə noyabrın 27-dən Kiprdə təlim-məşq toplanışına başlayacaq.

Qeyd edək ki, yığma dekabrın 1-də səfərdə Kiprlə, 4 gün sonra "Dalğa Arena"da Farer adaları ilə üz-üzə gələcək.

Qapıçılar: Aytac Şərifova (“Trabzonspor”, Türkiyə), Nərgiz Əliyeva (“KDZ Ereğli Spor”, Türkiyə), Günay İsmayılova (“Neftçi”);

Müdafiəçilər: Nigar Mirzəliyeva ("Zenit", Rusiya), Kamilla Məmmədova (Doğuş Gold Asiya Spor, Türkiyə), Nərgiz Hacıyeva ("Trabzonspor", Türkiyə), Mana Mollayeva ("Neftçi"), Ayşən Əhmədova (PAOK, Yunanıstan);

Yarımmüdafiəçilər: Kristina Bakarandze (“Qalatasaray”, Türkiyə), Diana Məmmədova (“Yenisey”, Rusiya), Coşquna Əliyeva, Firəngiz Teymurova (hər ikisi “Neftçi”), Esra Manya (“Beşiktaş”, Türkiyə), Vüsalə Seyfəddinova (“Fomget”, Türkiyə), Fidan Cəfərova (“Baku Juniors")

Hücumçular: Eliz Adjar, Peritan Bozdağ (hər ikisi "Fatih Vətən", Türkiyə), Alina Dorofeeva ("Yenisey", Rusiya), Sevinc Cəfərzadə ("Krasnodar", Rusiya), Sona Rəhimova ("Giresun Sanaispor", Türkiyə), Jalə Maksimova ("Amedspor", Türkiyə), Milana Rəhimova , Aysun Əliyeva (hər ikisi "Neftçi").