31 Avqust 2025, Bazar günü
Baxşıyev: “Çempionluq sözlə olmur”
Rəşad Sadıqovdan qələbə şərhi
“Neftçi” Ohorini icarəyə verdi
Sergen Yalçın yenidən “Beşiktaş”da

Ölkə futbolu

“Karvan”ın yarımmüdafiəçisi: "Niyə də çempion olmayaq?”

“İlk 4 tura qədər hər şey istədiyimiz kimi gedirdi. Lazım olan xalları toplamışdıq. Amma sonra ardıcıl iki oyunda məğlub olduq. Yaxşı ki, toparlanmağı bacardıq və dünən səfərdə “Araz-Saatlı” üzərində 5:1 hesablı qələbə qazandıq. Ümid edirəm ki, bu cür qələbələr davamlı olacaq”.

Futbolxeber.az saytına müsahibəsində bu sözləri “Karvan”ın yarımmüdafiəçisi Akif Tağıyev komandasının cari mövsümdə I Liqanın ilk 7 turundakı çıxışı barədə danışarkən deyib.

O, Yevlax təmsilçisinin hədəflərindən də söz açıb: “Əsas hədəfimiz maksimum üst pillələrdə qərarlaşmaqdır. Komandamızın heyəti yuxarı bu hədəf uğrunda mübarizə aparmağa imkan verir. Çempionatın sonunda ən azı “ilk 3-lük”də olmaq istəyirik. Əslində, hədəfində çempionluq olmayıb yekunda birinci olan o qədər komanda adı çəkmək olar ki. Bizim də gücümüz buna imkan verir. Niyə də çempion olmayaq?”

30 yaşlı futbolçu öz çıxışını belə dəyərləndirib: “Bacardığımın ən yaxşısını etməyə çalışıram. Öz çıxışımı normal dəyərləndirirəm. Amma bundan da yaxşı çıxış edə bilərəm. Çempionat davam etdikcə öz formamı tam yığacam. Komandam üçün həmişə ən yaxşısını edəcəm”.

Sonda A.Tağıyev yevlaxlı azarkeşlərin komandaya verdiyi dəstəyə də toxunub: “Azarkeşlər bizə çox dəstək olurlar. Onlara öz təşəkkürümü bildirirəm. Fanatlar həmişə bizdən baxımlı oyun və qələbə gözləyirlər. İnanıram ki, onların dəstəyi ilə "Karvan"ı daha yaxşı yerlərə daşıyacağıq”.

Azad NURİYEV








Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Avqust 2025
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31