“Bizdən milliyə futbolçu gedirsə, bu, sadəcə olaraq qürurvericidir”

“Səbail”in baş məşqçisi Şahin Diniyev komandasının üzvlərinin milliyə dəvət almasına münasibət bildirib.

Futbolxeber.az saytına müsahibəsində o, Səlahət Ağayev və Yusif Nəbiyev yığmamızın heyətinə çağırılmasının qürurverici olduğunu söyləyib: “Səlahət Ağayevin milliyə dəvət alması bizim üçün böyük şərəfdir. Onun millinin heyətində olması olduqca yaxşıdır. Eyni sözləri Yusif barədə də deyə bilərəm. Millinin baş məşqçi kimin orada oynamağa layiq olduğunu daha yaxşı bilir. Bizdən futbolçu gedirsə, bu, sadəcə olaraq qürurvericidir”.

“Şahin Diniyev futbolçularından daha kimləri milliyə layiq görür?” sualını təcrübəli mütəxəssis belə cavablandırıb: “Dediyim kimi, bu seçim yalnız millinin baş məşqçisinin səlahiyyətindədir. Onlar kimin seçilib-seçilməyəcəyinə qərar verir”.

Azad NURİYEV