“Media-5” turnirində ilk tur yekunlaşdı: “Dinamo-Bakı” qələbə ilə başladı

AFFA-nın dəstəyi, İctimai Futbol Təşkilatları İctimai Birliyinin təşkilatçılığı ilə idman jurnalitləri arasında tanınmış idman jurnalisti, mərhum Elnur Əşrəfoğlunun xatirəsinə həsr olunmuş “Media turniri-5” start götürüb.

Futbolxeber.az saytının məlumatına görə, yarışda 8 komanda dairəvi sistemlə mübarizə aparır.

Turnirin açılış matçında yarışda müsabiqədənkənar iştirak edən “Əşrəfoğlunun dostları” “CBC Sport”ıa üz-üzə gəlib. Start fitindən öncə mərhum idman jurnalisti Elnur Əşrəfoğlunun əziz xatirəsi bir dəqiqəlik sükutla yad edilib, ardınca komandalar xatirə fotosu çəkdirib. İlk oyunun günündə “Əşrəfoğlunun dostları” “CBC Sport”u 10:6, “Sportal” isə “Dostluq” komandasını 12:1 hesabı ilə üstələyib.

İkinci oyun günündə isə daha iki görüş baş tutub. "Xəzər " "Zəngəzur"a 6:2 hesabı ilə qalib gəlib.

Futbolxeber.az saytının 3 əməkdaşının yer aldığı "Dinamo-Bakı” isə “Futbol+”i məğlub edib.

"Əşrəfoğlunun dostları" - "CBC Sport" 10:6

Qollar: Səlim Abbasov (5), Rəşad Şükürov (2), Nurani İsgəndərov (2), Tarıyel İsgəndərov – Şəmsəddin Abbasov (2), İsmayıl Abdullayev (2), Firuz Abdulla, Rüstəm Əfsərli.

“Sportal” - “Dostluq” 12:1

Qollar: Mirbağır Cəfərli (5), Emin Abbasov (2), Sərxan İbrahimoğlu (2), Xanoğlan İmanov (2), Anar Əsədov – Emin Ağa.

“Zəngəzur” – “Xəzər” 2:6

Qollar: Səbuhi Həsənov, Kənan Həsənov - Nurlan İbrahimov (3), Fərid Ramazanov, Səxavət Qurbanov (2)

“Dinamo-Bakı” - “Futbol+” 10:5

Qollar: Məsim Məsimzadə (7), Səfər Qazıyev, Babək Cahandarov(2 ) - Araz Babayev, İlkin Sultan, İsmayıl Xeyrullayev, Mahir Rüstəmli, Əli Raufoğlu