5 Aprel 2025, Şənbə
XXIX turun hakim təyinatları
“Qəbələ” Premyer Liqada!
Millimizin heyəti açıqlandı
Millimiz FİFA reytinqində gerilədi

Ölkə futbolu

Höccət Haqverdi milliyə dəvət alması barədə: “De Byazi atam deyil ki”

“Bu, futboldur. İnsanlar Ronaldo, Messi kimi oyunçular barədə də tənqidi fikirlər söyləyir. Bütün bunları normal qarşılayıram, azarkeşlərin hər birinin fikirlərinə hörmətlə yanaşıram”.

Futbolxeber.az saytına müsahibəsində bu sözləri “Neftçi”nin müdafiəçisi Höccət Haqverdi milli komandamıza dəvət aldığı üçün azarkeşlərin səsləndirdiyi tənqidi fikirlərə münasibət bildirərkən deyib.  

O qeyd edib ki, milli uduzanda hər dəfə eyni futbolçunun tənqid olunması normal hal deyil: “Azarkeşlər unutmamalıdır ki, milli komandanın heyətində ard-arda qalib gəldiyimiz 5 matçda çox yaxşı futbol sərgiləmişdim. Bəzən isə uduzmağımız normaldır. Oyundan-oyuna daha yaxşı performans sərgiləməyə çalışırıq. Hər oyun bizdən qələbə gözləmək olmaz. Komandaların arasında keyfiyyət fərqi də öz sözünü deyir. Əlbəttə, biz mübarizə aparırıq. Amma İsveç, Avstriya kimi millilərə uduzandan sonra insanların ancaq mənim haqqımda danışmağı çox təəccüblüdür. İzləyicilər ədalətli olmalıdır, ancaq bir oyunçu haqqında danışıb, hər oyun onu tənqid etmək düzgün deyil”.

H.Haqverdi millimizin baş məşqçisi Canni de Byazinin sevimli futbolçularından olması barədə fikrə belə münasibət bildirib: “Öz mövqeyimdə çıxış etməsəm də, baş məşqçinin mənə tapşırdığı yerdə belə öz işimin öhdəsindən layiqincə gəldim. Millinin baş məşqçisi De Byazi mənim atam deyil ki. İtaliyalı mütəxəssis seçim edərək ən yaxşı oyunçuları milliyə çağırır. Ona nəticə lazımdır. Haqqımda belə sözlərin söylənilməsi ədalətli deyil. Fanatlar hər yerdə belə fikirlər səsləndirir”.

İbrahim CƏFƏROV 

 








Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Aprel 2025
B.eÇ.aÇC.aCŞB
01 02 03 04 05 06
07 08 09 10 11 12 13
14 15 16 17 18 19 20
21 22 23 24 25 26 27
28 29 30