UEFA-dan AFFA-ya 5

Sentyabrın 9-da Azərbaycan milli komandası Avropa çemiponatının seçmə mərhələsində Bakıda Belçika ilə üz-üzə gələcək. “Dalğa Arena”da keçiriləcək qarşılaşma 17:00-da start götürəcək. Bəli, səhv oxumadız, 17:00. Həmin günü havanın temperaturu +27 dərəcə olacaq. Dəniz kənarı, 27 dərəcə isti və 17:00, el araslnda deyildiyi kimi, axşam saat 5. İndi gəl bu istidə futbol oyna görüm, necə oynayırsan. Normal şəraitdə ayağı top tutmayan milli üzvlərinin sentyabrın 9-da hansı vəziyyətə düşəcəyini təsəvvür etmək belə çətindi.

Xatırlayıram ki, 2006-cı ildə “Bakı”nın “Sioni” ilə Çempionlar Liqasındakı ev qarşılaşması erkən saatlarda idi. Həmin vaxt ölkənin fiziki cəhətdən ən güclü futbolçularından biri artıq matçın əvvəlində qıcılolmadan oyunu davam etdirə bilməmişdi...

AFFA qeyri-rəsmi bəyan edib ki, oyunun başlama saatını UEFA təyin edib. Təbii ki, yarışı keçirən UEFA-dısa, vaxtı da onlar təyin edəcək. Bunda qeyri-adi heç nə yoxdu. Qeyri-adilik Azərbaycan millisinin ilk dəfə bu saatda oynamasıdı. Avropada adətən yalnız Qazaxıstan millisinin, yaxud klublarının ev oyunları 17, yaxud 18:00-da (Bakı vaxtı ilə) start götürür.

NİYƏ GÜRCÜLƏR, ERMƏNİLƏR YOX, MƏHZ BİZ?

Belə görünür ki, əvvəlki illərdə Azərbaycana vacib qarşılaşmaları, turnirləri həvalə edən UEFA artıq bizə “ikinci dərəcəli” ölkə kimi yanaşır. AFFA-nın “başsız” qalması qitə futbol qurumunun ölkəmizə münasibətində də özünü aşkar göstərir. Amma belə çox getməz...

İbrahim CƏFƏROV