“Araz Naxçıvan” “Qəbələ”yə qalib gəldi, "Zirə" zirvədə

Azərbaycan Premyer Liqasında 2-ci tura start verilib.

Futbolxeber.az saytının məlumatına görə, ilk oyun günündə iki görüş keçirilib.

Turun açılış matçında "Araz-Naxçıvan" "Qəbələ"ni qəbul edib. Matç Naxçıvan klubunun qələbəsi ilə yekunlaşıb.

Günün ikinci qarşılaşmasında "Zirə" öz meydanında “Kəpəz”i sınağa çəkib. Yeganə qol meydan sahiblərinə 3 xal qazandırıb. Bununla da Rəşad Sadıqovun komandası 6 xalla turnir cədvəlində liderliyə yüksəlib.

Qeyd edək ki, turun digər oyunları avqustun 13-14-də keçiriləcək.

Azərbaycan Premyer Liqası

II tur

12 avqust (şənbə)

"Zirə” - “Kəpəz” - 1:0

Qol: Qismət Alıyev, 64

Hakimlər: Kamal Umudlu, Rəhman İmami, Asiman Əzizli, Vüqar Həsənli

Zirə İdman Kompleksinin stadionu

“Araz-Naxçıvan” - “Qəbələ” - 2:0

Qollar: İsmail Azzaui, 17, Elvis Maşike, 83

Qırmızı vərəqə: Ülvi İsgəndərov, 90+3 ("Qəbələ")

Hakimlər: Fərid Hacıyev, Akif Əmirəli, Vüsal Məmmədov, Əli Əliyev

“Dalğa Arena”

13 avqust (bazar)

18:30. “Qarabağ” - “Turan Tovuv”

14 avqust (bazar ertəsi)

20:00. “Neftçi” - “Səbail”

Qeyd edək ki, avqustun 13-də keçirilməli olan “Sumqayıt” - “Sabah” oyunu təxirə salınıb.