4 Aprel 2025, Cümə
Millimiz FİFA reytinqində gerilədi
Samir Abasov: “İnam 100 faiz var”
Elmar Baxşıyevdən qələbə şərhi
II Liqada XIX tura start verildi

Ölkə futbolu

“Sumqayıt”ın kapitanı: “Gedə bildiyimiz yerə qədər gedəcəyik”

Sumqayıt”ın kapitanı Vüqar Mustafayev Futbolxeber.az saytına müsahibə verib.

- Mövsümə əla start verdiz. “Səbail” üzərində qazanılan qələbəni (4:1) necə şərh edərdiz?

- Yeni mövsümün ilk oyunu idi. İstəyirdik ki, çempionata yaxşı başlayaq. Şükürlər olsun ki, qələbə qazandıq. Mövsümə 3 xalla start vermək bizim üçün çox vacib idi. İnanıram ki, getdikcə daha da yaxşı çıxış edəcəyik.

- Komandadan bu cür oyun gözləyirdiz? Etiraf edək ki, matçdan əvvəl “Səbail” daha şanslı hesab olunurdu...

- Bəli, razıyam. Hazırlıq dönəmində az oyun keçirmişdik. Ola bilər digər komandalar bu baxımdan bizdən üstündülər. Üstəlik, səfərdə oynayırdıq. Meydançanın durumu da ağır idi. Lakin qələbəyə inanırdıq. Bilirdik ki, istəsək, mübarizə aparsaq, 3 xal bizim olacaq.

- Razısan ki, oyunun taleyini vurduğunuz ikinci qol həll etdi?

- Ola bilər. Rəqib hesabı bərabərləşdirdikdən sonra biz ikinci qolu tez vurduq. Daha doğrusu, lazımi anda fərqləndik. Bundan sonra daha inamlı təsir bağışladıq. Rəqib də arxa xətdə daha çox boşluqlar verməyə başladı.

- Keçən mövsümlə müqayisə etsək, “Sumqayıt” nə dərəcədə dəyişib?

- Dəyişikliklər çox olub. Xeyli futbolçu komandadan getdi, onların əvəzinə yeniləri gəldi. Bəzi futbolçular komandaya yeni qoşulublar. Elələri var ki, cəmi 10 gündü bizimlə birgədilər. Hiss edirəm ki, komandaya artıq uyğunlaşırlar. Adaptasiya prosesini tam başa çatdırdıqdan sonra daha yaxşı çıxış edəcəyimizi düşünürəm.

- Samir Abasov mətbuat konfransında qeyd etdi ki, yeni transferlərin bəziləri fiziki cəhətdən tam hazır deyillər və buna görə də matçın gedişində Vüqar Mustafayev, Səbuhi Abdullazadə bəzən onların da yerinə qaçmalı olurlar...

- Dediyim kimi, legionerlərin eləsi var ki, 10 gündü komandaya qoşulub, eləsi var 2 həftə. Ona görə də bir qədər vaxt lazımdı. Üstəlik, Türkiyədə hazırlıq dövründə xəstəliklər oldu, müəyyən problemlərlə qarşılaşdıq. Şükür Allaha ki, hamı çətinliklərin öhdəsindən gəldi.

- Cari mövsüm “Sumqayıt”ın hədəfi nədi?

- Hələ ki qarşımıza konkret hədəf qoyulmayıb. Çempionat yeni başlayıb. Bizi qarşıda çox ağır mövsüm gözləyir. Gedə bildiyimiz yerə qədər gedəcəyik. Bunun üçün çalışacağıq. İstəyirik ki, ötən mövsümdən fərqli olaraq bu il daha yaxşı çıxış edək. Əlimizdən gələni edəcəyik.

- Növbəti turda qarşılaşacağınız “Sabah” həftə arası avrokubok oyununa çıxacaq. Bu məqam “Sumqayıt”ın lehinədi, ya əleyhinə?

- İndidən bunu demək çətindi. UEFA Konfrans Liqasında çıxış etdiyi üçün “Sabah” daha hazırlıqlıdı. Üstəlik, onların heyətləri genişdi. Amma biz də evdə oynayacağıq, öz azarkeşlərimiz qarşısında. Əlimizdən gələni edəcəyik ki, yaxşı nəticə əldə edək. Məncə, bacararıq.

İbrahim CƏFƏROV








Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Aprel 2025
B.eÇ.aÇC.aCŞB
01 02 03 04 05 06
07 08 09 10 11 12 13
14 15 16 17 18 19 20
21 22 23 24 25 26 27
28 29 30