“Qurban Qurbanov da, “Qarabağ” rəhbərliyi də Azərbaycan futboluna çox xeyir verib”

“Qarabağ”ın sabiq kapitanı Rəşad Sadıqov UEFA Çempionlar Liqasının ikinci təsnifat mərhələsində “Rakuv”a məğlubiyyətdən sonra Ağdam klubunun baş məşqçisi Qurban Qurbanov və klub rəhbərliyinə yönələn tənqidlərə münasibət bildirib.

Futbolxeber.az saytına müsahibəsində R.Sadıqov istər Qurbanovun, istər klub rəhbərliyinin Azərbaycan futbolu üçün böyük işlər gördüyünü vurğulayıb:

“Açığı, bu barədə bilmirəm nə deyim. Təbii ki, məğlubiyyətdən sonra azarkeş hər zaman aqressiv olur. Lakin istər Qurban müəllimin, istərsə də “Qarabağ” rəhbərliyinin gördüyü iş göz önündədi. Onlar Azərbaycan futboluna çox xeyir veriblər. Rəhbərliyin və Qurban Qurbanovun birgə fəaliyyətin nəticəsində “Qarabağ” böyük uğurlara imza atıb. Hər nə qədər komanda “Rakuv”la mübarizədən məğlub ayrılsa da, bunları unutmaq olmaz. İnanıram ki, “Qarabağ” Avroliqada daha inamlı çıxışı ilə bu uğursuzluğu unutduracaq”.

FƏRƏC