PFL idman jurnalistləri ilə bağlı region layihəsini davam etdirəcək

Peşəkar Futbol Liqasının idman jurnalistlərinin regionlarda keçirilən oyunları işıqlandırması üçün maddi dəstək vermək, bölgələrimizdə futbola olan azarkeş marağının daha böyük auditoriyaya çatdırılmasına nail olmaq məqsədilə ötən mövsümdən həyata keçirməyə başladığı layihə cari mövsümdə də davam etdiriləcək.

Futbolxeber.az saytının məlumatına görə, bu barədə qurumun mətbuat xidməti açıqlama yayıb.

Qeyd edək ki, layihədə PFL akkreditasiyası olan onlayn və çap mediada çalışan idman jurnalistləri, eyni zamanda digər profilli (ictimai-siyasi və s.) mediada fəaliyyət göstərən idman jurnalistləri iştirak edə bilərlər.

Layihəyə qatılmaq üçün müraciət edən media mənsubları və onların əməkdaşları ilə bağlı son qərar hüququ ötən mövsüm olduğu kimi, Peşəkar Futbol Liqasına məxsusdur.