Şahruddin sabah meydana çıxacaq? - Qurban Qurbanov cavabladı

“Qarabağ”ın baş məşqçisi Qurban Qurbanov komandasının qapıçısı Şahruddin Məhəmmədəliyevin buraxdığı səhvlərə görə azarkeşlər tərəfindən ciddi tənqid edilməsinə münasibət bildirib.

Futbolxeber.az saytının məlumatına görə, bu gün keçirilən oyunöncəsi mətbuat konfransında bundan xəbərdar olduğunu deyən təcrübəli mütəxəssis sabah qapıçının “Rakuv”a qarşı keçiriləcək cavab matçında meydana çıxmaq şansının yüksək olduğunu söyləyib:

“Yazılanlardan məlumatım var. Amma bu, kollektiv oyundur. Start heyəti sabah bilinəcək. Şahruddinin oynamaq şansı çoxdur. Fikrimiz, diqqətimiz oyunda, rəqibdə olmalıdır. Biz oyundan kənara çıxmamalıyıq. Başımızı aşağı salıb, işimizi görməliyik. Hər bir futbolçumuz çalışmalıdır ki, bu oyunda səhvlərdən uzaq olsun. Eləcə də, qapıçılarımız”.