Mahmud Qurbanov "Kəpəz"ə qayıdır

“Kəpəz”in İdarə Heyətinin iyunda keçirilən iclasında Mehman Allahverdiyevin “sarı-göylər”in idman direktoru vəzifəsindən ayrılması ilə bağlı qərar qəbul olundu.

Futbolxeber.z saytının Sport24.az-a istinadən verdiyi məlumata görə, həmin toplantıdan sonra Allahverdiyev İdarə Heyətinin üzvü kimi fəaliyyətini davam etdirir. Mehman bəy idman direktoru postunu tərk etsə də, Gəncə klubunda hələ ki, vakant yerə təyinat olmayıb.

Lakin yaxın vaxtlarda idman direktoru vəzifəsinə təyinat reallaşacaq. Həmin post Mahmud Qurbanova tapşırılacaq.

Qeyd edək ki, Qurbanovun son iş yeri ötən ilin dekabrında ayrıldığı “Səbail” olub. 50 yaşlı mütəxəssis paytaxt klubunu çalışdırıb.

Əlavə edək ki, Mahmud Qurbanov daha əvvəl "Kəpəz"in baş məşqçisi olub.