“Neftçi”də macarıstanlı müdafiəçi

“Neftçi” növbəti transferini reallaşdırıb.

Futbolxeber.az saytının klubun feysbuk səhifəsinə istinadən verdiyi məlumata görə, “ağ-qaralar” Mark Tamaşı heyətinə qatıb. Macarıstanlı müdafiəçi Bakı klubunda 4 nömrəli formanı geyəcək.

Qeyd edək ki, 29 yaşlı futbolçu peşəkar karyerasına “Videoton”da başlayıb. Daha sonra Macarıstanın digər klubu “Puskaş Akademia”da 38, “Diosqyor”da isə 115 oyuna çıxıb. Tamaş 2020-2022-ci illərdə karyerası ərzində ilk dəfə legioner həyatışı yaşayıb. Polşada “Şlask”ın formasını geyinən Tamaş 47 matçda 1 qol vurub. Ötən mövsümü isə o, Rumıniyada keçirib. “Neftçi”nin yeni transferi “Sepsi”nin heyətində 19 görüşdə meydana çıxıb, 1 dəfə fərqlənib.

2021-ci ildə Tamaş 1 oyunda Macarıstanın əsas millisində çıxış edib.