“Huner Group” kimi sponsorların futbolumuza gəlişi sevindiricidi”

“Bu haqda məlumatsızam”.

Futbolxeber.az saytının müsahibəsində bunu “Turan Tovuz”un baş məşqçisi Ayxan Abbasov komandanın yeni sponsor axtarışında olması haqda yayılan xəbərlərə münasibət bildirərkən deyib.

Mütəxəssis qeyd edib ki, hazırkı baş sponsor “Huner Group”un gəlişi ilə “Turan Tovuz” inkişafa doğru xeyli addım atıb: “Bilirsiz ki, “Huner Group”un gəlişindən sonra komandamızın inkişafında, klub olaraq formalaşmağımızda böyük təkan var. Tək əsas komanda yox, akademiyaya da diqqət ayrılır. Eləcə də stadionumuzun çatışmazlıqları aradan qaldırılır.

Əsas problem işıqlandırma sistemi ilə bağlı idi. Artıq o problem də yoluna qoyulub. Təbii ki, bütün bunlar “Huner Group”un dəstəyi ilədi. Belə sponsorların futbolumuza gəlişi sevindiricidi”.